خارابانین گؤندؤزؤندن آدام قورخور، سهل دیر گئجه‌سی کی قورد – قوش سسی‌ده یئلین هووولتی‌سینا قاریشیر و هر گئجه بیر اُاُاُ سسی اوزانیر. بو سس صمدنن عابباسین بحثینین باشلانیشی‌دیر و یاری گئجه‌یه‌جک آردی وار. آخیر بیلمیرؤک او حیوان چاققال‌ دیر،ایت دیر یا قورد. نئی‌نیرؤک؟ بو برهوت کؤشنینده هانسی‌نین گیرینه کئچسؤن ایشؤن یاشدیر.بوردا نه جین‌دن قورخوروق ، نه آلئی‌بانی‌دن نه‌ده بو لامصصب پئژاک‌لاردان کی هردن بیر تؤکولوللر و سن های-هوی إله‌ییب، اؤزووی تاپینجاق ووروب داغیدیب ، بیر-ایکی دنه ده باش غنیمته آپاریرلار.

اوندان کی قورخوروق بیلمیروک ندی!

زیلایی نین درین باخیشیندا بیر فیکیر وار و منیم گودوکچی لیییمین ماهناسی اُو دیر.آنجاق هچ بیر کیمسه بیلمیر. منیم نوباسیز گودوکچی لیییم، بو قویولارین نیه قازیلماسین و اونلاردان آرتیق،زیلایی نین تک-یاردیمسیز قویو قازماسینی تکجه سرهنگ بیلیر.

بو اوزاقدان کؤزرن قیرمیزی بیر شی، زیلایی نین گیله سیگارینین اوجودور و اُو کؤلگه کی قویودان ائشییه توکؤلن تپراقین اوزرینده چمبلتمه ووروب و زوم ائله ییب سرهنگین ایستراحتگاهینا،زیلایی نین اوزی...

نوشته شده در چهارشنبه 13 خرداد1388ساعت 15:30 توسط عادل قلی پور| |